Disney, DreamWorks студиуд “Лило, Стич хоёр”, “Лууг хэрхэн сургах вэ” кинонуудыг бараг зэрэг нээнэ

2025-05-25 11:30:17

Холливудын хүүхэлдэйн киноны томоохон хоёр студи болох Disney, DreamWorks студиуд бараг зэрэг шахуу кино нээлт хийх гэж байна. Disney ээлж дараалан гаргаж ирсэн 2D хүүхэлдэйн киноны сэдэвт уран сайхны кино цувралаа үргэлжлүүлж “Лило, Стич хоёр” киног, харин DreamWorks ийм анхны бүтээл “Лууг сургасан нь” киног үзэгчдэд хүргэхээр ажиллаж байна.

5-р сарын 23-нд нээх “Лило, Стич хоёр” кинонд ганцаардсан Лило охин(Сидней Элизабет Агудонг) харийн дүрсгүй амьтан Стич хоёр хэрхэн нэг гэр бүл болж байгааг өгүүлнэ. 2002 онд гаргасан хүүхэлдэйн киноны содон үерхэл, Disney-н бусад дүрүүдээс эрс ялгарах онцлогоороо дэлхийд танигдаж 270 сая долларын ашиг олж, 2003 онд Оскарын шагналд хүртэл нэр дэвшиж байв. 

Энэ удаад Стичийн дүрийг бүтээхээр болсон хүүхэлдэйн кинонд нь дуу оруулсан найруулагч Крис Сандерс тухайн дүрийн мөн чанарыг дахин амилуулах болно. Дүрлэгэр нүд, дөрвөн хуруутай, эгдүүтэй хөөрхөн Стич дэлхийн өнцөг булан бүрд шүтэн бишрэгчтэй болж, тоглоом, бичгийн хэрэгсэл, хувцас зэрэг олон бараанд дүрээ мөнхөлж талархал хүлээсэн билээ. 

“Лило, Стич хоёр” Disney-н сүүлийн үеийн тренд болох хүүхэлдэйн киноноос сэдэвлэсэн уран сайхны киноны уламжлалын дагуу эх дүрийн сэтгэл хөдлөл, ур дүйг сайтар хадгалж, үзэгчдэд тод санааг хүргэж чадах, халуун ам бүлээрээ шимтэн үзэж болох дүр юм. Лусын гүнж, Цасан цагааны өгүүлэмжийг бодвол агуулгын хувьд илүү цар хүрээтэй болгожээ. 

Харин DreamWorks 6-р сарын 13-нд “Лууг хэрхэн сургах вэ” киногоороо энэ төрөлд шинэ гараагаа эхэлж байна. “Шрек”, “Кунфу Панда”, “Мадагаскар” кинонуудаар бэлэг барьж байсан DreamWorks-ийн баг хүүхэлдэйн киноноос сэдэвлэсэн эхний киногоороо “Лууг хэрхэн сургах вэ”-г сонгосон нь хүүхэлдэйн кино цувралын орлого давхардсан тоогоор 1.6 тэрбум доллар хүрч, дэлхийд нэрээ баттай дархалсантай холбоотой гэж болно. 

“Лууг хэрхэн сургах вэ” кинонд викинг хүү Хиккап, шидэт, шүдгүй луу Түүтлис нарын нөхөрлөлийг өгүүлэх агаад, эх хүүхэлдэйн кино нь Оскарын шагналд дөрвөн ч удаа нэр дэвшиж, бүтээлийн чанар чансаа, олон нийтэд нийцтэй агуулгаараа танигдсан кино юм. Энэ удаад бас эх хүүхэлдэйн киноны найруулагч Дийн ДеБлойсын баг өмнөх сэтгэгдлийг сэргээхээр хүчин зүтгэх ажээ. 

Найруулагч нь “Тэнгэрт халин дүүлэх дүрслэл төдийгүй унах вий гэсэн айдсыг хүртэл биеэр мэдрээсэй гэж хүсэж байна” гэсэн нь үзэгчдэд илүү бодитой мэдрэмж төрүүлнэ гэсний нотолгоо гэлтэй. Гол дүрд тоглох Мэйсон Темз “Жижиг хэсгүүд болгонд нандин нөхөрлөлийг харуулахыг зорилоо” гэж мэдэгдэн киногоо үзэгчдэд санал болгожээ.

Дээрх хоёр кино 3 долоо хоногийн зайтайгаар нээлтээ хийж, өөр өөр өнгө төрх бүхий киног харьцуулан үзэх боломжийг олгох гэж байна. Disney, DreamWorks студиудийн шинэ кинонууд аль хэдийн ийнхүү хүлээлт үүсгэжээ.