20 жилийн дараа Марвелд эргэн ирсэн The Fantastic Four

2025-07-18 09:02:07

Марвел студийн тулаант блокбастер The Fantastic Four: First Steps кинонд санамсаргүй байдлаар ер бусын чадвартай болцгоосон сансрын нисэгч дөрвөн хүн буюу Гайхамшигт дөрөв гараг ертөнцийг залгин сүйтгэгч Галактусаас дэлхий ертөнцийг аварч буй үйл явдлыг өгүүлнэ.  

Гайхамшигт дөрөв гэгдэх супер баатрууд нь биеэ яаж л бол яаж хувиргах чадвартай Рид Ричард(Mister Fantastic), үл үзэгдэгч болж бат бөх хамгаалалт үүсгэдэг Сюзан Сторм(The Invisible Woman), бүх биеэсээ халуун илч галаар төөнөгч, нисдэг Жонни Сторм(The Human Torch), хад асга мэт бие хаатай, хачин их хүч тэнхээтэй Бен Гримм(The Thing) нар юм.

Педро Паскаль багийн ахлагч Рид Ричардад, Ванессан Кирби Сюзан Стормд, Жозеф Квинн Жонни Стормд, Эбон Мосс-Бакрак Бен Гриммд тоглосон байна. 

Галактусын дүрээр Ральф Айнесон, Силвер Сёрферээр Жулия Гарнер дэлгэцнээ гарна.

Тэдэнтэй найруулагч Метт Шекмэн, зохиолч Питер Кэмерон, хөгжмийн найруулагч Майкл Жаккино нар хамтран ажиллажээ.

Тус тусын онцлогийг сайтар харуулсан дөрвөн гишүүний өнгө алаглуулсан дүр, бахдам тулаан, сүрдэм орон зай, 1960-аад оны ретро мэдрэмжийг төрүүлсэн төрх байдал, дэлхийд заналхийлэгч сансрын хорон санаатан Галактустай хэрхэн нэгийгээ үзэх нь үзэгчдийн сонирхлыг ихэд татах болно. 

The Fantastic Four: First Steps 7-р сарын 24-нд нээлтээ хийнэ.