Том Холланд фенүүдийнхээ нүдэн дээр нисжээ... Хүн аалзын зураг авалт эхэллээ

2025-08-21 04:06:22

Spider-Man: Brand New Day киноны хүн аалз Том Холланд фенүүдийнхээ өмнө зураг авалтад оролцжээ.

8-р сарын 10-ны өдөр Sony Pictures компаниас "Day one back in the suit. The story continues with #SpiderManBrandNewDay"(Өмсгөлөө дахин өмссөн эхний өдөр. Spider-Man: Brand New Day ангиар цуврал үргэлжилнэ.) гэсэн тайлбар бүхий бичлэг нийтэд цацсан байна.

Эл бичлэгт Шотландын Глазго хотын төв хэсэг, Босвелл гудамжнаа авсан Spider-Man: Brand New Day киноны зураг авалтыг харуулжээ. Гол дүрд тоглож буй Том Холланд хүн аалзын өмсгөлтэй гарч ирж, фенүүд нь зураг авалтыг сонирхож үзсэн байна.

Бичлэг дээр Том Холланд “Өнөөдөр эхний өдөр. Сэтгэл санаа сайхан байна. Spider-Man: Brand New Day. Дөрөв дэх өдөр. Өмсгөлөө өмссөн чинь нэг л өөр мэдрэмж төрж байна. Зураг авалтыг үзэгчид анх үзэж сонирхож байгаа болохоор надад ч бас сонин содон санагдаж байна.” гэж ярьжээ.

Цааш нь “Танил хэд хэдэн хүн ирсэн байна. Чадлаараа л хичээх болно. Гайгүй байх байлгүй дээ. Сэтгэл зүйн дарамт алга.” гэж нэмж хэлжээ. Том Холланд хүн аалзын өмсгөл өмссөн фенүүдтэйгээ найрсгаар мэндлээд зураг авалтаа эхлүүлж байна.

Цувралын үргэлжлэл Spider-Man: Brand New Day ангийг “Шан-Чи ба арван бөгжний домог” киноны Дестин Креттон найруулагч найруулж байгаа ажээ. Киног 2026 оны 7-р сарын 24-нд нээхээр төлөвлөжээ.