“Миний хувьд ч гэсэн хүчийг минь сорьсон.”.... Кристофер Нолан найруулагч”, компьютер графикгүй бүтээгдсэн “Оппенхаймер”

2023-07-21 10:58:58

“Inception”, “Interstellar”, “Tenet” зэрэг гайхалтай бүтээлүүдийг найруулсан Кристофер Нолан найруулагч энэ удаад ямар ч компьютер график ашиглалгүйгээр өндөр нарийвчлалтай зураг авалттай блокбастер киног бүтээжээ. Тэрээр нэгэн ярилцлагадаа “Компьютер график ашиглалгүй анхны атомын бөмбөг дэлбэлэх туршилт болох trinity test-ийг харуулах нь миний хувьд ч бас маш том хүч сорьсон хэрэг байсан.” гээд “Квант механик, физикийг илэрхийлэхээс авхуулаад туршилтын үе шат зэрэг үзэгдлийг кинонд олон талаас нь хэрхэн харуулах вэ гээд маш их бодсон.” хэмээжээ. 

Мөн олон бүтээлд янз бүрийн шалтгаанаар компьютер графикийг ашигладаг. Харин “Оппенхаймер”-т түүхэн гэсэн онцлогтой хэдий ч, компьютер график ашиглаагүй. Тиймд кино багийнхан продакшн дизайн, зураг авалт гэх зэрэг дор бүрнээ бүх хүчээ дайчилсан. Ялангуяа “Манхэттен төсөл”-ийг хэрэгжүүлсэн Лос Аламос лабораторийг төгс харуулахын тулд адилхан ууланд байрласан Нью-Мексико мужийн Гост Ранчд баригдсан том зураг авалтын газар нь үзэгчдийг 1940 оны Америк уруу хөтлөх болно. 

Ж. Роберт Оппенхаймерийн түүх яагаад сонирхол татсан талаар Кристофер Нолан найруулагч “Түүний шинээр бүтээсэн цөмийн зэвсэг дэлхийг бүхэлд нь устгаж болно гэсэн өчүүхэн боломжийг мэдэж байсан хэрнээ харвах товчлуурыг дарсан тэр агшин юм.” гэж тайлбарлаад, энэ нь кино бүтээх гол хөшүүрэг болсон гэж онцгойлон хэлсэн байна. Тэрээр “Ж. Робер Оппенхаймер-ийн түүх бид бүхэнд нөлөөлдөг. Сайн ч бай, муу ч бай түүний үйлдэл өнөөгийн дэлхийг бүтээжээ. Тиймээс хамгийн өргөн дэлгэцээр, аль болох олон хүнд энэхүү түүхийг дамжуулах нь тус төслийн зорилго байсан юм.” гээд “Оппенхаймер”-аар харуулах киноны талаарх торгон мэдрэмж, нарийн дүрсэлсэн нэгэн хүний сэтгэлийг заавал өргөн дэлгэцээр үзэхийг уриалсан байна.

Продакшн дизайнер Рут Дэ Жонг “Бүтээгдсэн орон зай биш, одоо өрнөж буй бодит хэрэг гэсэн мэдрэмжийг өгөхийг хүссэн.” гээд бодит байдлыг хамгийн сайн харуулсан дизайн гэдгийг итгэл төгс илэрхийлсэн байна. Мөн Эмили Блунт “Агшин зуур тэрхүү орчинд очсон мэт болсон” хэмээжээ. Ийнхүү Холливудын хамгийн шилдэг найруулагч, киноны багийнхны хувьд ч хүчийг сорьсон “компьютер график”-гүй бүтээгдсэн тус бүтээлийн гол жүжигчид “Орчин үеийн киноны түүхэнд цэг тавьсан бүтээл.”, “Кино биш, туршлага” гэх зэргээр сэтгэл ханамж өндөртэй байгаагаа илэрхийлсэн байна. “Оппенхаймер”-т дэлхийг аврахын тулд дэлхий ертөнцийг сүйтгэх аюулыг хянах ёстой суут ухаант эрдэмтний цөмийн эрчим хүчийг хөгжүүлэх төслийн талаар өгүүлэх ажээ. Тус кино яг одоо бүх кино театруудаар гарч байна. 

Зургийн эх сурвалж: Universal pictures